ಖಮೇನಿ ಹತ್ಯೆ ಬೆನ್ನಲ್ಲೇ ಇರಾನ್‌ನಿಂದ ನಿಗೂಢ ಪೋಸ್ಟ್: ಜಗತ್ತನ್ನೇ ನಡುಗಿಸಿದ ‘ಖೋರಂಶಹರ್ ಕ್ಷಣಗಳ’ ಎಚ್ಚರಿಕೆ!

ಖಮೇನಿ ಹತ್ಯೆಯ ಬೆನ್ನಲ್ಲೇ ಇರಾನ್‌ನಿಂದ ಹೊರಬಿದ್ದ ಒಂದು ಪೋಸ್ಟ್ ಈಗ ಜಾಗತಿಕ ಸಂಚಲನ ಮೂಡಿಸಿದೆ. ಅಮೆರಿಕ ಮತ್ತು ಇಸ್ರೇಲ್ ಜಂಟಿ ದಾಳಿಯಲ್ಲಿ ಸರ್ವೋಚ್ಚ ನಾಯಕ ಮೃತಪಟ್ಟ ಕೆಲವೇ ದಿನಗಳಲ್ಲಿ, ಅವರ ಅಧಿಕೃತ ‘X’ ಖಾತೆಯಲ್ಲಿ ‘ಖೋರಂಶಹರ್ ಕ್ಷಣಗಳು’ ಬರಲಿವೆ ಎಂಬ ಎಚ್ಚರಿಕೆ ನೀಡಲಾಗಿದೆ. ಇದು ಇರಾನ್ ತನ್ನ ಶತ್ರುಗಳ ವಿರುದ್ಧ ನಡೆಸಲಿರುವ ಭೀಕರ ಪ್ರತಿಾಕ್ರಮಣದ ಮುನ್ಸೂಚನೆ ಎಂದು ವಿಶ್ಲೇಷಿಸಲಾಗುತ್ತಿದೆ.

‘ಖೋರಂಶಹರ್’ ಎಂಬುದು ಇರಾನ್-ಇರಾಕ್ ಯುದ್ಧದಲ್ಲಿ ರಕ್ತಸಿಕ್ತ ಇತಿಹಾಸ ಹೊಂದಿರುವ ನಗರ. 1980ರಲ್ಲಿ ಇರಾಕ್ ಇದನ್ನು ವಶಪಡಿಸಿಕೊಂಡಾಗ ಸಾವಿರಾರು ಇರಾನಿಗಳು ಬಲಿಯಾಗಿದ್ದರು, ಆದ್ದರಿಂದ ಇದನ್ನು ‘ರಕ್ತದ ನಗರ’ ಎಂದೂ ಕರೆಯಲಾಗುತ್ತದೆ. ಈಗ ಈ ಪದ ಬಳಕೆಯು ಇರಾನ್ ತನ್ನ ನಾಯಕನ ಸಾವಿಗೆ ಸೇಡು ತೀರಿಸಿಕೊಳ್ಳಲು ಸನ್ನದ್ಧವಾಗಿರುವುದನ್ನು ಮತ್ತು ಕಳೆದುಕೊಂಡ ಗೌರವವನ್ನು ಮರಳಿ ಪಡೆಯುವ ಹಠಕ್ಕೆ ಬಿದ್ದಿರುವುದನ್ನು ಸೂಚಿಸುತ್ತದೆ.

ಈ ನಿಗೂಢ ಪೋಸ್ಟ್ ಇಡೀ ಜಗತ್ತಿನಲ್ಲಿ ಆತಂಕ ಸೃಷ್ಟಿಸಿದೆ. ದೇಶವು ಸಂಕಷ್ಟದಲ್ಲಿದ್ದಾಗ ಜನರೆಲ್ಲರೂ ಒಂದಾಗಿ ಹೋರಾಡಿ ವಿಜಯ ಸಾಧಿಸುವ ಸಮಯ ಬಂದಿದೆ ಎಂದು ತನ್ನ ಬೆಂಬಲಿಗರಿಗೆ ಇರಾನ್ ಕರೆ ನೀಡಿದಂತಿದೆ. ಈ ‘ಖೋರಂಶಹರ್ ಕ್ಷಣ’ ಯಾವ ರೂಪದಲ್ಲಿ ಬರಲಿದೆ ಮತ್ತು ಮಧ್ಯಪ್ರಾಚ್ಯದ ಮೇಲೆ ಇದು ಎಂತಹ ಪರಿಣಾಮ ಬೀರಲಿದೆ ಎಂಬುದು ಈಗ ತಜ್ಞರ ಕುತೂಹಲಕ್ಕೆ ಕಾರಣವಾಗಿದೆ.