ಉಪ್ಪಿನಂಗಡಿ: ದಂಪತಿ ಜಗಳಕ್ಕೆ ಬಲಿಯಾಯ್ತು ಮೂರು ವರ್ಷದ ಕಂದಮ್ಮ; ಬಾವಿಗೆ ಎಸೆದ ಮಹಿಳೆ ಬಂಧನ

ಉಪ್ಪಿನಂಗಡಿ: ಪೋನ್ ಕರೆಯಲ್ಲಿ ಪತಿಯೊಂದಿಗೆ ನಡೆದ ವೈವಾಹಿಕ ಕಲಹದಿಂದ ಕೋಪಗೊಂಡ ಮಹಿಳೆಯೊಬ್ಬರು ಇಬ್ಬರು ಪುಟ್ಟ ಮಕ್ಕಳನ್ನು ಬಾವಿಗೆ ಎಸೆದ ದಾರುಣ ಘಟನೆ ಪೆರ್ನೆಯಲ್ಲಿ ಸೆಪ್ಟೆಂಬರ್ 19ರಂದು ನಡೆದಿದೆ.

ಸಿನಾನ್ (32) ಹಾಗೂ ನೂರುನ್ನಿಸಾ (28) ದಂಪತಿ ನಡುವೆ ಜಗಳ ನಡೆದಿದ್ದು, ಆಕ್ರೋಶಗೊಂಡ ನೂರುನ್ನಿಸಾ ತಮ್ಮ ಮೂರುವರೆ ವರ್ಷದ ಮಗು ಹಾಗೂ ಪತಿಯ ತಂಗಿಯ ಮೂರು ವರ್ಷದ ಮಗುವನ್ನು ಮನೆಯ ಸಮೀಪದ ಬಾವಿಗೆ ಎಸೆದಿದ್ದಾರೆ. ತಕ್ಷಣ ಕಾರ್ಯಪ್ರವೃತ್ತರಾದ ಸ್ಥಳೀಯರು ಮಕ್ಕಳನ್ನು ಮೇಲಕ್ಕೆತ್ತಿದರಾದರೂ, ಪತಿಯ ತಂಗಿಯ ಮಗು ಈಗಾಗಲೇ ಮೃತಪಟ್ಟಿತ್ತು. ನೂರುನ್ನಿಸಾ ಅವರ ಮಗುವನ್ನು ತೀವ್ರ ಚಿಕಿತ್ಸೆಗಾಗಿ ಮಂಗಳೂರಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಈ ಸಂಬಂಧ ಉಪ್ಪಿನಂಗಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ (ಅ.ಕ್ರ. 121/2026) ದಾಖಲಾಗಿದ್ದು, ಆರೋಪಿ ನೂರುನ್ನಿಸಾಳನ್ನು ಪೊಲೀಸರು ವಶಕ್ಕೆ ಪಡೆದು ತನಿಖೆ ನಡೆಸುತ್ತಿದ್ದಾರೆ.