ಕಾರ್ಲಾಡಿ ಮನೆಯಲ್ಲಿ ಸಂಭ್ರಮದ ಆಯುಧ ಪೂಜೆ ಹಾಗೂ ವಾಹನ ಪೂಜೆ

ಕಾರ್ಲಾಡಿ, ಅಕ್ಟೋಬರ್ 20: ಕಾರ್ಲಾಡಿ ಮನೆಯ ಆವರಣದಲ್ಲಿ ಇಂದು ಆಯುಧ ಪೂಜೆ ಹಾಗೂ ವಾಹನ ಪೂಜೆಯನ್ನು ಸಂಭ್ರಮದಿಂದ ನೆರವೇರಿಸಲಾಯಿತು. ಧಾರ್ಮಿಕ ವಿಧಿವಿಧಾನಗಳೊಂದಿಗೆ ನಡೆದ ಪೂಜಾ ಕಾರ್ಯಕ್ರಮದಲ್ಲಿ ಕುಟುಂಬದ ಸದಸ್ಯರು, ಗಣ್ಯರು ಹಾಗೂ ಹಿತೈಷಿಗಳು ಭಾಗವಹಿಸಿ ದೇವರ ಕೃಪೆಗೆ ಪಾತ್ರರಾದರು.

ಕಾರ್ಯಕ್ರಮದಲ್ಲಿ ಕೆಲಂಬೀರಿಯ ಬ್ರಹ್ಮ ಬೈದರ್ಕಳ ಗರಡಿಯ ಅಧ್ಯಕ್ಷರಾದ ಸತೀಶ್ ಮಾರ್ಕಾಜೆ, ಸುಳ್ಯ ಡಿಸಿಸಿ ಬ್ಯಾಂಕ್ ಪ್ರಬಂಧಕರಾದ ಸಂತೋಷ್ ಮರಕ್ಕಡ, ಎರ್ಮೆಮೆತ್ತಿಮಾರು ತರವಾಡು ಮನೆಯ ಜಯರಾಮ್ ಸುವರ್ಣ, ಪಿಡಬ್ಲ್ಯುಡಿ ಎಂಜಿನಿಯರ್ ಜನಾರ್ಧನ್, ನಾಗಬ್ರಹ್ಮ ಆದಿ ಮೊಗ್ಗೆರ್ಕಳ ಅಭಿವೃದ್ಧಿ ಸಮಿತಿಯ ಕೋಶಾಧಿಕಾರಿ ಕೆ. ನಾಯ್ಕ, ಸಮಿತಿಯ ಸದಸ್ಯರಾದ ಸುರೇಶ್ ಎರ್ಕಮೆ ಹಾಗೂ ಅರ್ಚಕರಾದ ಹರೀಶ್ ಬೇರಿಕೆ ಉಪಸ್ಥಿತರಿದ್ದರು.

ಆಯುಧ ಪೂಜೆ ಹಾಗೂ ವಾಹನ ಪೂಜೆಯು ಸಾಂಪ್ರದಾಯಿಕ ಭಕ್ತಿ ಮತ್ತು ಧಾರ್ಮಿಕ ಶ್ರದ್ಧೆಯೊಂದಿಗೆ ನೆರವೇರಿತು.