ಡಾಲರ್ ಎದುರು ರೂಪಾಯಿ ಭರ್ಜರಿ ಚೇತರಿಕೆ: 12 ವರ್ಷಗಳಲ್ಲೇ ದಾಖಲೆಯ ಏರಿಕೆ!
- Apr 2
- 1 min read
ಭಾರತೀಯ ರೂಪಾಯಿ ಅಮೆರಿಕನ್ ಡಾಲರ್ ಎದುರು ಕಳೆದ 12 ವರ್ಷಗಳಲ್ಲೇ ಒಂದೇ ದಿನದಲ್ಲಿ ಅತಿದೊಡ್ಡ ಏರಿಕೆಯನ್ನು ದಾಖಲಿಸುವ ಮೂಲಕ ಗಮನಸೆಳೆದಿದೆ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ರೂಪಾಯಿ ಮೌಲ್ಯದ ಮೇಲೆ ನಡೆಯುವ ಊಹಾಪೋಹದ ವಹಿವಾಟುಗಳಿಗೆ ಕಠಿಣ ಕಡಿವಾಣ ಹಾಕಿದ ಬೆನ್ನಲ್ಲೇ ಈ ಬದಲಾವಣೆ ಕಂಡಬಂದಿದೆ. ಆರ್ಬಿಐನ ಈ ಸಮಯೋಚಿತ ಕ್ರಮದಿಂದಾಗಿ ರೂಪಾಯಿ ಮೌಲ್ಯವು ಒಂದೇ ದಿನದಲ್ಲಿ ಸುಮಾರು 1.8% ನಷ್ಟು ಭರ್ಜರಿ ಏರಿಕೆ ಕಂಡಿದೆ.
ಮಾರ್ಚ್ 31ರಂದು ಪ್ರತಿ ಡಾಲರ್ಗೆ 95 ರೂಪಾಯಿ ಗಡಿ ದಾಟಿದ್ದ ಮೌಲ್ಯವು, ಇಂದು ಇಳಿಕೆ ಕಂಡು 93.14 ರೂಪಾಯಿ ಅಸುಪಾಸಿನಲ್ಲಿ ವ್ಯವಹಾರ ನಡೆಸುತ್ತಿದೆ. ವಿದೇಶಿ ಹೂಡಿಕೆದಾರರಲ್ಲಿ ಮರಳಿದ ವಿಶ್ವಾಸ ಮತ್ತು ಕೇಂದ್ರ ಬ್ಯಾಂಕಿನ ಹಸ್ತಕ್ಷೇಪವು ರೂಪಾಯಿಗೆ ಹೆಚ್ಚಿನ ಶಕ್ತಿ ನೀಡಿದೆ. ಜಾಗತಿಕ ಮಾರುಕಟ್ಟೆಯಲ್ಲಿನ ಏರಿಳಿತಗಳ ನಡುವೆಯೂ ಭಾರತೀಯ ಕರೆನ್ಸಿಯ ಈ ಬಲಿಷ್ಠ ಚೇತರಿಕೆಯು ದೇಶದ ಆರ್ಥಿಕತೆಗೆ ಸಕಾರಾತ್ಮಕ ಮುನ್ಸೂಚನೆಯಾಗಿದೆ.
Comments