ಏಷ್ಯಾ ಬ್ಯಾಡ್ಮಿಂಟನ್ ಫೈನಲ್: ವಿಶ್ವದ ನಂ.2 ಆಟಗಾರನ ಎದುರು ಹೋರಾಡಿ ಸೋತ ದಕ್ಷಿಣ ಕನ್ನಡದ ಆಯುಷ್ ಶೆಟ್ಟಿ

ಏಷ್ಯಾ ಬ್ಯಾಡ್ಮಿಂಟನ್ ಚಾಂಪಿಯನ್‌ಶಿಪ್‌ನ ಪುರುಷರ ಸಿಂಗಲ್ಸ್ ಫೈನಲ್‌ನಲ್ಲಿ ದಕ್ಷಿಣ ಕನ್ನಡದ ಉದಯೋನ್ಮುಖ ತಾರೆ ಆಯುಷ್ ಶೆಟ್ಟಿ ಅವರು ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟಿದ್ದಾರೆ. ಪ್ರಶಸ್ತಿಗಾಗಿ ನಡೆದ ಹಣಾಹಣಿಯಲ್ಲಿ ವಿಶ್ವದ ನಂ.2 ಆಟಗಾರ ಚೀನಾದ ಶಿ ಯುಕಿ ವಿರುದ್ಧ ಆಯುಷ್ 8-21, 10-21 ನೇರ ಸೆಟ್‌ಗಳಿಂದ ಸೋಲನುಭವಿಸಿದರು. ಅನುಭವಿ ಆಟಗಾರನ ಎದುರು ಹೋರಾಟ ನಡೆಸಿದರೂ, ಚಾಂಪಿಯನ್ ಪಟ್ಟಕ್ಕೇರುವಲ್ಲಿ ಅವರು ವಿಫಲರಾದರು.

ಫೈನಲ್‌ನಲ್ಲಿ ಸೋತರೂ ಆಯುಷ್ ಈ ಟೂರ್ನಿಯಲ್ಲಿ ಅದ್ಭುತ ಸಾಧನೆ ಮಾಡಿದ್ದಾರೆ. ಸೆಮಿಫೈನಲ್‌ನಲ್ಲಿ ವಿಶ್ವದ ನಂ.1 ಆಟಗಾರ ಕುಲ್ಲಾವುಟ್ ವಿಟಿಡ್‌ಸರ್ನ್ ಅವರನ್ನು ಮಣಿಸಿ ಫೈನಲ್ ಪ್ರವೇಶಿಸುವ ಮೂಲಕ ಆಯುಷ್ ಇತಿಹಾಸ ಸೃಷ್ಟಿಸಿದ್ದರು. ದಕ್ಷಿಣ ಕನ್ನಡ ಮೂಲದ ಈ ಯುವ ಆಟಗಾರನ ಸಾಹಸವು ಭಾರತ ಹಾಗೂ ಕನ್ನಡಿಗರ ಪಾಲಿಗೆ ಹೆಮ್ಮೆ ತಂದಿದ್ದು, ಬ್ಯಾಡ್ಮಿಂಟನ್ ಲೋಕದಲ್ಲಿ ಹೊಸ ಭರವಸೆ ಮೂಡಿಸಿದೆ.